القصيدة التى طرد ياسر التويجرى من مصر بسببها

من القصيده قام بإلقائها الشاعر ياسر التويجري في أمسيته الأخيره بالقاهره

وبعدها طرد من مصر ومن الفندق الذي كان قد حجز له من قبل الملحقيه الثقافيه السعوديه

وهذه القصيده




البارحه في يوم عشره يناير
ثارت على الراس المحمّك ثواير
حاولت أغيّر فالزمان المغاير
ولا حصل لي شي غير الذي صار
الله يعزك ياقضية فلسطين
من أربعينك الين سبعه وستين
ومن أولك والين بكره وبعدين
لولاك كان تضيع نشرات الأخبار
حنا عرب نعم عرب يا أوربا
ماعندنا إلا جبن وإلامربّى
الشخص مننا لاتبين تغبّا
وهذي سياسه للهدوقبل الاعصار
سيوفنا وقت الملاقا شطيره
يعني على ماقيل مثل الشطيره
وهذا دليل(ن)مع نقاء الشطيره
والله يجيب الخير ويطيح الأمطار
سلام يابوش الابن يالمبدّى
ياللي على كل المبادي تعدّا
طيب...لونعم ربعي تردّى
وقدامنا جله وقدامنا نار
ياكندليزه رايس أهلا(ن) وسهلين
يام الجبال اللي يهز السلاطين
غنجك ذبح له فوق خمسة ملايين
هذي ضحايا والضحايا بك كثير
فخامة الرئيس حسني مبارك
يحفظ جزء عمى وينسى تبارك
وأكبر دليل إنه يقود المعارك
مواقفه لا جات حزات الأخطار
القاهره بلد حظاري وبطران
فيها البنات أشكال وأنواع وألوان
من هارديز الين ميدان لبنان
وأحسن بنات اللي يجن طرق وصغار
ورموشهن شبرين وعيونهن سود
وأنعم من الديباج وأرهف من العود
لباس من حلوى وحجّان وخدود
كسلات في الممشى وفي الغنج شطّار
أنا هنا يمكن قبل أربع أعوام
رحت اتمشّى عند هامات الأهرام
وركبت مع تكسي وقدام قدام
حتى تعدينا بقاله ودوار
وجينا وأثر فيها خيول(ن) عريبات
أجدادها قد شاركت في الغزوات
أجارها يمكن باربع جنيهات
وزوّد صفر ولا تدقق بالاسعار
أخذت لي خيل(ن) وكرباج وأقفيت
يعني على قولت عنيت وتمشيت
وياليتني مع المقادير ماجيت
ولا رأيت اللي يهستر بالانظار
فيها البنات يسابقن الرجاجيل
اللي عليهم ضيّقات البناطيل
فوق الخيول يجاذبن المواويل
مهار لكن فوق قبّات الامهار
غازلت لي وحده ولا عبرتني
حلوه وفيها من ملامح (برتني)
وأقفيت أشيل الهم من فوق متني
عقب ماقالت لي حيوان وحمار
وأنا مانيب انسان واطي وسافل
وأنا من اللي يحكمون القوافل
أحيان مكفول(ن) وأحيان كافل
واكره ماشوف الظلم...والذل.. والعار
أبترك الموضوع وأدخل بموضوع
دام إن صوتي عند (الأجواد) مسموع
نبينا (محمد) ولاهوب (ياسوع)
المصطفى الهادي شفيع(ن) للأبرار
لو انتحر صدام من قبل ينهان
وخلاّ المشاكل كلها فوق برزان
مكان مصخر به قدم كل الأعيان
عزيز قوم(ن) ذل بيدين الأقدار
(سبيس تون)ان كان في الناس حيره
افضل بواجد من قناة الجزيره
تضحّك الورعان وقت الظهيره
وهذي تبكينا اليا جات الأخبار
ختامها مدري واش اقول لكن
ماحب أنا اسمع أغنية (الأماكن)
من ثقل همن بين الأضلاع ساكن
الله يحرول ساق رجلي عن البار