SEIF WORLD GROUP
اهلا بك عزيزى الزائر فى عالم سيف يسعدنا انضمامك لنا

SEIF WORLD GROUP

اهلا وسهلا يا زائر نورت وشرفت المنتدي
 
الرئيسيةس .و .جبحـثالمجموعاتالتسجيلدخول
مجموعة سيف هى أكبر مجموعة متخصصة على الانترنت  ****  SEIF GROUP Is the largest specialist online  ****  SEIF GROUP
عالم سيف مش هتقدر تسيب النت *** SEIF WORLD will not be able to leave the Internet *** www.seifworld.com
امبراطورية سيف مجموعة رائعة من البرامج * SEIF EMPIRE an impressive array of programs * www.seifempire.all-up.com
نجوم سيف أكبر مكتبة أدبية ثقافية *** SEIF STARS the largest library of cultural literary *** www.seifstars.all-up.com
ميديا سيف أكبر مكتبة فيديو ترفيهية * SEIF MEDIA the largest library of video entertainment* www.seifmovie.fliggo.com
سينما سيف أكبر صالات عرض للافلام للمشاهدة المباشرة ***seifcinema.all-up.com***  وقسم خاص للتحميل وتعرض الافلام بناء على رغبتكم
ناس سيف لمن يحلم بامتلاك مدونة ومساحة خاصة به يدون فيها آراءه وأفكاره وحريته **seifpeople.all-up.com** انضم الينا وكن مع ناس سيف وعبر عن نفسك
ارض سيف للسياحة والسفر احجز مقعدك معنا وانطلق ***seifearth.all-up.com*** فى اجمل بقاع الارض تجوب رحلاتنا الأرض ... أرض سيف
رياضة سيف هى اكبر ملاعب وستاد رياضى على النت فى مجال الرياضة seifsport.all-up.com اترك فريق الاحتياطى وانضم مع الفريق الاساسى فريق seif sport

شاطر | 
 

 اجمل ما في الشارع المصري 1

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
THE PRINCE OF EGYPT
V.I.P
V.I.P
avatar

عدد الرسائل : 1503
العمر : 37
الجنسية : Egypt
العمل : مدير عام المنتديات
المزاج : BHGAGA
Personalized field :

أعلام الدول :
المهنة :
نقاط التميز : 3
رصيد نقاط الاعضاء : 572
تاريخ التسجيل : 09/10/2008

مُساهمةموضوع: اجمل ما في الشارع المصري 1   الأحد ديسمبر 14, 2008 7:26 pm



موضوع مش هتسيه غير لما تقراه كله

من أهم المميزات التى يمكنك الحصول عليها فى الشارع المصرى هى




إنك ممكن تقفل الشارع بمزاجك من غير ما حد يعترض ، لو عندك حالة وفاة تستطيع أن تحول الشارع إلى دار مناسبات و تقفله بصوان بس تسيب ممر صغير للناس تعدى منه على رجليها علشان ماتسبِّش للمرحوم.


فى حالة لو عندك فرح ممكن تقفل الشارع من غير ماتسيب ممر للناس تروَّح علشان مافيش حد أصلا هيروَّح قبل الفرح مايخلص.

مصر هيا البلد الوحيده اللى ممكن تلاقى فيها سواق تاكسى يركِّبَك ببلاش ( حدث بالفعل مع كاتب المقال منذ عدة سنوات ،نتيجة لظرف ما كان يقف مفلسا فى جسر السويس يحلم أن يصل إلى مقر عمله فى وسط المدينة ، استوقف سائق تاكسى و سأله لو ينفع يوصله و يكسب ثواب، فنظر له سائق التاكسى من أعلى إلى أسفل ثم قال له إطلع ، وفى الطريق صارحه السائق بأنه قبل أن يوصله مجانا لأنه كده كده نازل وسط البلد ولأنه استريح له..هكذا و ببساطة).


لو ركبت تاكسى و فى جيبك شريط بتحبه ممكن تديه للسواق يشغله (وممكن كمان..علّى يا اسطى)،و سيزيد حماس سائق التاكسى لتشغيل شريطك إذا كان كوكتيل شعبى حيث العنب و المولد وقوللووه ،أو إذا كان خطبة عن عذاب القبر.


مصر هى الدولة الوحيدة التى تعرف فيها هتدفع كام قبل ما تركب التاكسى(فى أوربا والدول المتقدمه زى دبى مثلا فيه حاجة اسمها عداد)، هناك أشخاص يعتبرون سؤال سائق التاكسى (هتدفع كام) هو سؤال بجح، لكن وبشكل عقلانى هو سؤال يضمن (حقكوا انتوا الاتنين).



مش كل مرة تتقفش فيها مخالف هتتسحب منك الرخصه، وده أوبشن متاح فى مصر بس ، وعلشان رخصتك ماتتسحبش عندك كذا طريقة أشهرها أنت مش عارف أنت بتكلم مين لكنها مش دايما مضمونه وممكن تقلب بغم.



وأسهلها إستعطاف أمين الشرطة و تبرير خطأك كطفل أمه قفشته بيعاكس بنت الجيران مع التأكيد على إنك مش هتعمل كده تانى و الإكثار من معلش و نهارك ابيض يا باشا.



و هناك الطريقة الأكثر فعالية وهى إنك تحط بين رخصة العربية ورخصة السواقة ورقة بعشرين.


بالمناسبة ممكن تاخد المخالفة عادى،ولمّا تروح تطلّع شهادة مخالفات تلغيها!.



معظم أصحاب السيارات الصيّع فى مصر معهم خريطة بها الاماكن (اللى ينفع تركن فيها صف تانى من غير ما تتكلبش، حيث أن الكلابشات ليست متوافرة فى كل الشوارع)



لدينا أيضا ميزة أن للكلبشة مواعيد عمل رسمية نعرفها جميعا و تجعلك تركن سيارتك صف تانى أمام سنترال التحرير فى الثالثة صباحا وانت متطمن.


لدينا ميزة إنك ممكن تفتح الإشارة بالضغط على أمين الشرطة عن طريق الكلاكسات، فى الواقع لدينا ميزة أخرى أهم تدل على أننا نعيش أجواء ديمقراطية وهى أن الواقفون فى الإشارة لديهم الحق فى تحديد الوقت المقبول للوقوف فى الإشارة وعندما يتم تجاوز هذا الوقت تبدأ زفة الكلاكسات.



لدينا ميزة اخرى وهى إنك ممكن تشترى سارينة إسعاف و تركبها فى عربيتك، و ستساعدك كثيرا فى إختراق الزحام، لإن الناس يفسحون الطريق تلقائيا عند سماع السارينة (حتى لو ماشافوش فى المراية اى عربية إسعاف ).



لدينا أيضا ميزة الإلتصاق بسيارة إسعاف حقيقية (لو ماعندكش سارينة)، الإلتصاق بسيارة الإسعاف سيجعلك تصل أسرع ، احيانا تحدث مناوشات بين سائقى السيارات حول من يستحق أن يلتصق بالإسعاف، وهناك نوع من السائقين فى منتهى خفة الدم (بيعملوا نفسهم قرايب المريض اللى فى عربية الإسعاف).


لدينا ميزة لا نراها هى فى حد ذاتها ولكن نرى آثارها فى الشوارع بسهولة، ميزة الميكانيكية المهرة الذين يسمحون لسيارات عمرها الإفتراضى إنتهى منذ سنوات بعيدة أن تستمر على قيد الحياة وتنافس سيارات الألفية الجديدة فى شوارع القاهرة(يعنى فيه ميكانيكية ممكن يخلوا عربيتك تعيش خمسين سنه على الأقل)، القاهرة هى العاصمة الوحيدة التى سترى في شوارعها سيارات موديل أوائل الستينيات ((r 1100، وأوائل السبعينيات (فيات 124)،و نهاية السبعينيات (فيات 132)، وبداية الثمانينيات (الفيورا طبعا).، ناهيك –حلوه ناهيك دى- عن السيارات ابنة فترة الاربعينيات والتى أصبحت قطع تاريخية نراها على فترات فى شوارع الزمالك والمهندسين.


ممكن الناس تركب فى شنطة العربية الملاكى لو العربية مليانة ، وهو مشهد له وقع طريف على من يراه، وهناك من يركب إلى جوار سائق الميكروباص (على شمال السواق)،و هناك المقعد الامامى الذى يتسع احيانا لثلاثة اشخاص(اتنين جنب بعض وواحد على رجلهم شويه وعلى التابلوه شويه)،وهناك المجانين الذين يجلسون فوق شنطة السيارة وهى مسرعة،وهناك الموتوسيكل الذى يحمل اسرة كاملة، لدينا ميزة الناس اللى بتشيل بعض فى (الزنقة).



لدينا ميزة روح التعاطف المختلطة بالأمومة، يعنى لو ماشى بعربيتك و كاوتش عربيتك نايم شويه او نص نايم او حتى مهوّى،هتلاقى كل العربيات اللى بتعدى عليك بتهدى جنبك وكل اللى فيها بيشاورولك على الكاوتش ، وهناك من هم متأججى المشاعر الذين يطاردونك حتى يلحقون بك (و بيكسروا عليك علشان يلفتوا نظرك ....الفرده اللى ورا عايزه تتزود).


النقطه السابقه نفسها تتكرر لو كنت ماشى بعربيتك وفيه باب من ابواب العربية مش مقفول كويس.



النقطة السابقة نفسها تتكرر لو ماشى وغطا تنك البنزين مفتوح.



تابع لروح التعاطف والأمومة ،إذا كنت على كورنيش المعادى او الأتوستراد او الطريق الصحراوى ، ولاحظت أن السيارات القادمة فى الإتجاه المقابل كلها بدون استثناء (عمّاله تقلّب لك نور) ، ستعرف فورا (إنه فيه رادار أو لجنة رادار على الطريق) و أن تقليب النور ماهو إلا تحذير أمهاتى إنه (خُد بالك يا بنى و على مهلك).



من اجمل ما فى الشارع المصرى تلك الجمل التى نراها مكتوبة على السيارات بكافة الأنواع،وهى مليئة بالحكمة احيانا ( السعادة فى الرضا)، وبالوقاحة احيانا (صغير بس يحيّر)،و بخفة الدم احيانا (المجروحين يمسكوا يمين)،و بالطيبة احيانا (يا بركة دعاكى يا أمى)، و بالمياصة أحيانا(من حق الكبير يتدلع)،و بالغموض أحيانا (للكبار فقط).



من اجمل ما فى الشارع المصرى روح التعاون ، وتتجلى هذة الروح فى (ورطة الزق)، فعندما تعطل سيارتك وتطلب من أقرب مجموعة أشخاص أن (يزقوك) سيستجيب لك الجميع فورا..ولكن لأى مدى؟، لأبعد مما تخيل، فالشخص الذى تورط فى أن يزقك لن يتخلى عنك حتى تدور سيارتك وتنطلق مسرعا ملوحا له بالشكر من شباك سيارتك، لكن من الوارد أن تستمر عملية الزق لمسافة طويلة تجعلك تشعر بالإحراج ،ومن الوارد أن تتوقف العربية مرة أخرى فتنزل من سيارتك وعلى وجهك ابتسامة بلهاء فتجد الأشخاص الذين قصدتهم من قليل يعودون إليك مرة اخرى و يواصلون عملية الزق لدرجة تجعلهم يبتعدون عن المكان الذى كانوا يقفون فيه بمسافة تحتاج لمواصلتين علشان يرجعوا لها ...بس الجميل فى مصر إنه مش مهم الناس دى مشيت معاك لحد فين المهم عربيتك تدور وتمشى وترحمهم من الورطه اللى حطوا نفسهم فيها.



الأظرف عندما يكون العطل اللى فى سيارتك من النوع الذى لايفلح معه الزق، هنا سيستمر الناس فى زقك إلى ان يفقدون الأمل تماما، وساعتها سيقترحون عليك أن (إحنا هنزقك على جنب وتركن عربيتك وتقفلها وتروح تجيب ميكانيكى)، وقد تجد بينهم شخص لا يفهم فى الميكانيكا لكنه عاطفى جدا و سيفاجئك بطلب غريب( إفتح كده الكبوت).



روح التعاون والتعاطف لها أشكال كثيرة ،مثل أن يتعاون الناس فى عدل سيارة إتقلبت على الطريق ، تراهم بهمة عمال البناء ينظمون انفسهم ويوزعزن أدوارهم و يحددون التكنيك المناسب لعدل السيارة مع العد( 3،2،1) و (بسم الله الرحمن الرحيم...زق زق ).



ولأن الله (بيقدّر و بيلطف)، قدرنا ان تمتلىء شوارعنا بالحفر العميقة و البالوعات المفتوحة، ولكن لطف الله يتجلى فى الروح المصرية التى تحشد العشرات لإنتشال السيارة من الحفرة.



لدينا عدد لا بأس به من الناس الذوق ذوق ذوق، مثل هذا الشخص الذى لايكتفى بإشارة يمين ولكنه يخرج لك ذراعه من الشباك احتياطى لتكون مش واخد بالك، و هناك الشخص الذى لا يكتفى بإشارة الإنتظار إذا اضطر إلى الوقوف لكنه يرفع لك يده أعلى من مستوى السيارة فى إشارة تحمل مزيجا من الشكر والتنبيه،وهناك الشخص الذى تضطره الميكروباصات لأن (يكسر عليك) فيضطرإلى أن يفض ماشى قدامك لمسافة ميتين متر وهو رافع إيده لك أسفا و إعتذارا، وهناك من يضطره الإستعجال لأن يقفل بعربيته عليك ويدخل الى محل ما وهو عينه على العربيات اللى قافل عليها و ما أن يراك تفتح باب سيارتك وقبل أن تمتعض تراه جاى جرى وعلى وجهه ابتسامه تجعلك تود أن تقول له (ياريت الناس اللى بتركن صف تانى كلها زيك كده)، يقول لك (آسف) فلا تملك إلا ان تقول له (ماحصلش حاجه).
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bhgaga.ahlamontada.com
????
زائر



مُساهمةموضوع: رد: اجمل ما في الشارع المصري 1   الأحد ديسمبر 14, 2008 8:01 pm

طيب بزمتك وبعد كل الى انت قولته دا من نفسك تقضى ولو ساعه فيها بزمتك مش وحشتك
الرجوع الى أعلى الصفحة اذهب الى الأسفل
THE PRINCE OF EGYPT
V.I.P
V.I.P
avatar

عدد الرسائل : 1503
العمر : 37
الجنسية : Egypt
العمل : مدير عام المنتديات
المزاج : BHGAGA
Personalized field :

أعلام الدول :
المهنة :
نقاط التميز : 3
رصيد نقاط الاعضاء : 572
تاريخ التسجيل : 09/10/2008

مُساهمةموضوع: رد: اجمل ما في الشارع المصري 1   الأحد ديسمبر 14, 2008 8:11 pm

بموت في ترابها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bhgaga.ahlamontada.com
ASMA
V.I.P
V.I.P
avatar

عدد الرسائل : 1141
العمر : 27
الجنسية : لو لم اكن مصريه لوددت ان اكون مصريه
العمل : مدير عام المنتدى
Personalized field :

أعلام الدول :
المهنة :
هواياتي :
نقاط التميز : 4
رصيد نقاط الاعضاء : 255
تاريخ التسجيل : 24/11/2008

مُساهمةموضوع: رد: اجمل ما في الشارع المصري 1   الأحد ديسمبر 14, 2008 8:26 pm

مافيش حد يقدر يستغنى عن بلده
وبالذات لو بلد زي مصر
وكل اللي انت بتحكي عنه
خلاص اتعودنا عليه
وبقى جزء مهم في يومنا
واحلى حاجه في الصريين انهم بيقدرا يتأقلموا مع اي وضع
سواء حلو او وحش
وعاشت مصر للمصريين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE PRINCE OF EGYPT
V.I.P
V.I.P
avatar

عدد الرسائل : 1503
العمر : 37
الجنسية : Egypt
العمل : مدير عام المنتديات
المزاج : BHGAGA
Personalized field :

أعلام الدول :
المهنة :
نقاط التميز : 3
رصيد نقاط الاعضاء : 572
تاريخ التسجيل : 09/10/2008

مُساهمةموضوع: رد: اجمل ما في الشارع المصري 1   الأحد ديسمبر 14, 2008 10:00 pm

نموت نموت ويحيا الوطن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bhgaga.ahlamontada.com
 
اجمل ما في الشارع المصري 1
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SEIF WORLD GROUP :: مقالات عامة-
انتقل الى: